कञ्चनपुर
पुनर्वास नगरपालिका स्थित पृथ्वी पशुपालन महैला सहकारी संस्थाको नवौं वार्षिक साधारण सभा मंगलबार सम्पन्न भएको छ ।
११ सय ९७ जना शेयर सदस्य रहेको उक्त सहकारी संस्थाले चालू आर्थिक वर्षमा ४ करोड ३३ लाखको कारोबार गरेको छ ।
कोभिडका कारण बेलाबेला लकडाउनको मार खेप्दै नागरिकको आर्थिक स्तर कमजोर बनिरहे पनि सहकारीले ९ लाख १२ हजार मुनाफा आर्जन गर्न सफल देखिएको छ ।
सहकारीको ३ करोड ३८ लाख ८४ हजारको सम्पत्ति रहेको प्रगती प्रतिवेदनमा जनाइएको छ ।
सहकारीकी अध्यक्ष निर्मला बिष्टको अध्यक्षतामा सम्पन्न नवौं वार्षिक साधारणसभामा केन्द्रिय दुग्ध सहकारी संघका संचालक समितिका सदस्य भरतबहादुर बिष्ट प्रमुख अतिथि रहेका थिए ।
साधारणसभामा कोषाध्यक्ष भवानी रेग्मीले आर्थिक प्रतिवेदन र अध्यक्ष निर्मला बिष्टले प्रगती प्रतिवेदन पेश गरेको कार्यक्रमको संचालन ब्यबस्थापक पुष्पा रोकाया बिष्टले गरेकी थिइन् ।
