प्रकाश चन्द्र भट्ट
दार्चुला
पश्चिमी नेपालको सिमान्त भारतीय राज्य उत्तराखण्डमा फेब्रुअरी १४ तारेखमा विधानसभा निर्वाचन हुने भएकाले सुरक्षाका लागि दार्चुुलाका नेपाल–भारत सीमानाका बन्द गरिने भएको छ ।
भारतको उत्तराखण्डमा हुने चुनावलाई लक्षित गरी यहि माघ २८ गते शुक्रवारदेखि फागुन २ गते सोमवारसम्म सीमानाका बन्द रहने दार्चुलाका प्रमुख जिल्ला अधिकारी दीर्घराज उपाध्यायले जानकारी दिए ।
बिहीवार प्रमुख जिल्ला अधिकारी दीर्घराज उपाध्यायले एक सूचना जारी गर्दै नेपाल–भारत जोड्ने सबै सीमापुल माघ २८ देखि फागुन २ गतेसम्म बन्द रहने जनाएको छ ।
नेपाल–भारत जोड्ने दार्चुलाका ६ वटा सीमा पुल रहेका छन् । नेपाल र भारतमा हुने गरेका हरेक निर्वाचनमा दुवै सीमावर्ती क्षेत्रका प्रशासनिक अधिकारीको आपसी सहमतिमा सीमा नाका सिल गर्ने गरिन्छ ।
- विज्ञापन -
