बेलाैरी, १५ चैत । कञ्चनपुरको बेलौरीमा खाेलामा माछा मार्ने क्रममा डुबेर एक जनाको मृत्यु भएको छ । माछा मार्ने क्रममा ३८ बर्षिय रामदास रानाकाे मृत्यु भएकाे हाे ।
बेलौरी नगरपालिका वडा नम्बर ६ मा पर्ने नकैया नालामा माछा मार्ने क्रममा बेलौरी नगरपालिका वडा नम्बर ६ का ३८ वर्षिय रामदाश रानाको मृत्यु भएको ईलाका प्रहरी कार्यालय बेलौरीका प्रहरी निरीक्षक कमल कुमार खड्काले बताउनुभयो । घर देखि करिब ३ किलाेमिटर टाढा रहेकाे खाेलामा साथीहरू सँग माछा मार्न गएकाे र माछा मार्ने क्रममा डुबेर मृत्यु भएकाे प्रहरीले जनाएकाे छ ।
मृतककाे पाेष्ट मार्टमका लागि बेलाैरी स्वास्थ्य केन्द्रमा पठाईकाे र घटना बारे थप अनुसन्धान भइरहेको प्रहरी निरीक्षक खड्काले जानकारी दिनुभयाे ।
- विज्ञापन -
