कञ्चनपुर
सरकारी जग्गामा सहकारी संस्थालाई कार्यालय भवन बनाउन जग्गा दिन वडा अध्यक्षले सिफारिस गरे पछि पुनर्वास नगरपालिका १० नम्बर वडा कार्यलयमा आक्रोशित स्थानीयले तालाबन्दी गरेका छन् ।
०७८ मंसिर १ गते वडा अध्यक्ष शुकदेव रानाले साना किसान कृषि सहकारी संस्थालाई वडाकार्यालयको जग्गा दिने सिफारिस गरेको देखिएको छ । गत मंसिर मै कार्यालय भवन बनाउन सिफारिश दिई ०७९ जेठ १८ गते सर्वदलीय बैठक बाट सरकारी संस्था बाहेक अन्य कुनै पनि संस्थालाई भवन बनाउन वडा कार्यालयको जग्गा नदिने निर्णय गरेका छन् ।
नाफा मुखी ब्यबसायीक सहकारी संस्थालाई कार्यालय भवन निर्माणका लागि सरकारी जमिन उपलब्ध गराउन नहुने भन्दै स्थानीयले वडा कार्यालयमा तालाबन्दी गरेका हुन ।
वडा अध्यक्ष शुकदेव रानाले गत मंसिर १ गते नै उक्त सहकारीलाई अन्दाजी १६ मिटर लम्बाइ र १६ मिटर चौडाइ बराबर १८ धुर जग्गा सिमाना साना किसान कृषि सहकारी संस्थालाई दिन सिफारिश गरेका थिए ।
यस सम्बन्धमा बिस्तृत बुझ्न वडा अध्यक्ष राना संग सम्पर्क गर्न खोजे पनि सम्पर्क हुन सकेन
