- विज्ञापन -
November 29, 22
17.1 C
Kathmandu

ट्रेन्डिङ्ग विषयहरु

बेलडाँडीमा भुमिहीनलाई निस्सा बितरण सुरु

मा प्रकाशित

कञ्चनपुर,
कञ्चनपुरको बेलडाँडी गाउँपालिका भित्रका भुमिहीनहरुलाई लालपुर्जाको लागि निस्सा वितरण गर्ने काम सुरुआत गरिएको छ ।
बेलडाँडी गाउँपालिकामा बसोबास गरिरहेका भूमिहीन दलित, भूमिहीन सुकुम्बासी र अव्यवस्थित बसोबासीहरूलाई जग्गाधनी पुर्जा उपलब्ध गराउन सङ्कलन गरिएका निवेदनहरूको निस्सा वितरणको कार्य भइरहेको बेलडाँडी गाउँपालिकाका प्रमुख हरिश्चन्द्र रानाले बताए । नागरिकहरूलाई संबन्धित वडाबाटै निस्सा वितरण गर्दा सहज हुन्छ भन्ने उद्देश्यले आइतबार देखि सबै वडाहरूलाई गाउँपालिकाले निस्सा उपलब्ध गराएको बेलडाँडी गाउँपालिका प्रमुख रानाले बताए ।

बेलडाँडीका सबै वडाबाट निस्सा वितरणका लागि समय निर्धारण गरी सूचना प्रकाशन गरिसकेको र सोही अनुसार लाभग्राहीहरूलाई निस्सा उपलब्ध गराइने उप प्रमुख शान्ति नाथले बताइन ।

- विज्ञापन -

बेलडाँडी गाउँपालिका अन्तर्गतको भूमिहीन दलित, भूमिहीन सुकुम्बासी र अव्यवस्थित बसोबासी सेवा केन्द्रका प्रमुख हेमराज रेग्मी जोशीले दिएको जानकारी अनुसार बेलडाँडी गाउँपालिका भित्र १२६ भूमिहीन दलित, १६८ भूमिहीन सुकुम्बासी र ४ हजार २ सय ९२ अव्यवस्थित बसोबासी गरी जम्मा ४ हजार ५ सय ८६ परिवारलाई निस्सा वितरण गर्ने कार्य हुँदै छ ।

बेलडाँडी गाउँपालिका अध्यक्ष हरिशचन्द्र राना, उपाध्यक्ष शान्ति नाथ र प्रमुख प्रशासकीय अधिकृत पदमराज जोशीले संयुक्त रूपमा वडाध्यक्षहरू क्रमशः जग बहादुर विष्ट, नारद सिंह उर्याल , दुर्गा प्रसाद चौधरी, वीर बहादुर खड्का र इन्द्र खड्का तथा सम्बन्धित वडाका सदस्य तथा कर्मचारी प्रतिनिधिहरूलाई निस्सा हस्तान्तरण गरेका थिए । त्यस क्रममा बेलडाँडी गाउँपालिका अध्यक्ष हरिश चन्द्र रानाले निस्सा वितरण लगत्तै जग्गा नाप जाँचको कार्य हुने र छिट्टै लाभग्राही नागरिकहरूलाई जग्गाधनी पुर्जा वितरण गरिने बताए ।

बेलडाँडी गाउँपालिकाका उपाध्यक्ष शान्ति नाथले लामो समयदेखि भूमिहीन दलित, भूमिहीन सुकुम्बासी र अव्यवस्थित बसोबासीहरूलाई जग्गाधनी पुर्जा उपलब्ध गराउनु पर्छ भनेर माग गर्दै आएको र अहिले जनताले त्यो पूरा गर्ने ठाउँमा पुर्‍याएकोले त्यसै अनुसार काम गरिने बताए ।

- विज्ञापन -
- विज्ञापन -
- विज्ञापन -
- विज्ञापन -
-- विज्ञापन --spot_img
-- विज्ञापन --spot_img
-- विज्ञापन --spot_img

सामाजिक संजालमा

0FansLike
0FollowersFollow
0FollowersFollow
0SubscribersSubscribe
-- विज्ञापन --spot_img

भर्खरै प्रकाशित समाचारहरु

सम्बन्धित समाचारहरु