कञ्चनपुर । कञ्चनपुरका विभिन्न स्थानमा यात्रु सहायता कक्षको स्थापना गरिएको छ । नजिकिँदै गरेको नेपालीहरूको महान् चाँड दसैँ तिहार तथा छठ पर्व लक्षित गरी महाकाली यातायात बहुउद्देश्यीय कम्पनी प्रा.लि. को सहकार्यमा ट्राफिक प्रहरी कार्यालय कञ्चनपुरले जिल्लाका विभिन्न स्थानमा यात्रु सहायता कक्षको स्थापना गरेको हो ।
ट्राफिक प्रहरी कार्यालय कञ्चनपुरका अनुसार भिमदत्त नगरपालिकाको बसपार्क भित्र, भिमदत्त १० गड्डाचौकी ट्राफिक पोष्टमा, बेलौरी नगरपालिका ४ बसपार्क बाहिर र कृष्णपुर ५ को गुलरिया ट्राफिक पोष्ट नजिक यात्रु सहायता कक्षको स्थापना गरिएको हो । यी ठाँउहरुमा आजै देखि यात्रु सहायता कक्ष सञ्चालनमा आएको ट्राफिक प्रहरी कार्यालय कञ्चनपुरले जनाएको छ ।
- विज्ञापन -
