कञ्चनपुर
कञ्चनपुरको बेलौरीमा २.९१ ग्राम ब्राउन सुगर सहित तीन जनालाई प्रहरीले नियन्त्रणमा लिएको छ ।
सोमबार अपरान्ह साढे ४ बजेको समयमा कालो प्लास्टिक भित्र अटोमा लुकाइ छिपाइ राखेको २.९१ ग्राम ब्राउन सुगर सहित बेलौरी नगरपालिका ७ स्थित कालोपुलबाट एक महिला सहित ३ जनालाई पक्राउ नियन्त्रणमा लिइएको ईलाका प्रहरी कार्यालय बेलौरीले जनाएको छ ।
कैलाली गोदावारी नगरपालिका ३ का ४६ वर्षिय कर्ण बिक , मोरङको बिराटनगर उपमहानगरपालिका वडा नम्बर ६ जामुन गाछी घर भइ हाल गोदावारी नगरपालिका २ अत्तरिया बस्दै आएका ३३ वर्षिय राकेश कोइराला र कृष्णपुर नगरपालिका ९ राजघाट बस्ने २४ वर्षिया अञ्जु भन्ने चन्द्रावती कपड्याललाई ब्राउन सुगर सहित नियन्त्रणमा लिइएको ईलाका प्रहरी कार्यालय बेलौरीका प्रहरी निरीक्षक दानसिंह भण्डारीले बताए । उनिहरुले प्रयोग गरेको सुप्रप ०१००१ ह २८१२ नम्बरको अटो लाई प्रहरीले नियन्त्रणमा लिइ आबश्यक कारवाही बढाएको प्रहरीले जनाएको छ ।
ईलाका प्रहरी कार्यालय बेलौरीबाट प्रहरी सहायक निरीक्षक शंकर कुवँरको नेतृत्वमा खटिएको प्रहरी टोलिले उक्त ब्राउन सुगर बरामद गरेको प्रहरीले जनाएको छ ।
