धनगढी : कैलालीको घोडाघोडीमा सालको काठ बरामद गरिएको छ । घोडाघोडीको वडा नम्बर ११ टप्पा गाउँबाट १ थान सालको गोलिया सहित ८ थान सालको चिरान बरामद गरिएको हो ।
सब डिभिजन वन कार्यालय सुखडबाट बन रक्षक राजु नाथ निमेलको नेतृत्वमा गएको गस्ती टोलीले विशेष सुराकीको आधारमा टप्पा गाउँको बुधराम कठरियाको घर छेउमा काठ लुकाइ छिपाइ राखेको अवस्थामा बरामत गरेको हो ।
यस्तै काठ सहित टप्पाका बुधराम कठरिया र जवलपुरका नरेश चौधरीलाई घर छेउमै काठ चिरान गर्दै गर्दा विशेष सुराकी आधार वन कार्यालयले पक्राउ गरेको छ।
बरामत गरिएको काठ सब डिभिजन बन कार्यालय सुखडमा राखिएको छ । पक्राउ परेकालाई आज नै थप अनुसन्धान र कारबाहीका लागि धनगढी पठाएको सब डिभिजन बन कार्यालय सुखडका प्रमुख सोम घलानले जानकारी दिए ।
- विज्ञापन -
