धनगढी । कैलालीको धनगढी उपमहानगरपालिका वडा नम्बर ८ क्याम्पस चोकमा नेगी बुक्स प्लानेट खुलेको छ। नेगी ट्रेड एण्ड सप्लायर्सका सञ्चालक नरबहादुर नेगीले ७० लाखको लागतमा नेगी बुक्स प्लानेट सञ्चालनमा ल्याइ आफ्नो सेवा बिस्तार गरेका हुन् ।
बिहीबार एक समारोहका बिच सो नेगी बुक्स प्लानेटको उद्घाटन नेपाल पुस्तक तथा स्टेसनरी व्यवसायी महासङ्घका केन्द्रीय अध्यक्ष सञ्जयकुमार चौधरीलेले गरेका हुन्।
सप्लायर्सका सञ्चालक एवं पुस्तक व्यवसायी नेगीको अध्यक्षतामा भएको कार्यक्रममा नेपाल पुस्तक तथा स्टेसनरी व्यवसायी महासङ्घका प्रदेश अध्यक्ष मेखराज दाहाल, केन्द्रीय सदस्य शम्भु लामिछाने, प्रदेश सल्लाहकार एवं पूर्व कैलाली जिल्ला अध्यक्ष वेदप्रकाश चुवाई, नेकपा एमालेका नेता कर्णबहादुर कुँवर, नेपाली काँग्रेसका कैलाली क्षेत्र नम्बर ५का क्षेत्रीय सभापति भीम पडाल लगायतको उद्घाटन समारोहमा सहाभागीता रहेको थियो ।
धनगढीमा पुस्तक तथा स्टेसनरी व्यवसाय गर्दै आएका नेगीले क्याम्पस चोकमा दोस्रो शाखा विस्तार गरेका हुन्। कार्यक्रममा प्रमुख अतिथि चौधरीलगायत अतिथिले व्यावसायिक सफलताको शुभकामना व्यक्त गरेका थिए। नेगी ट्रेड एण्ड सप्लायर्सका सञ्चालक नेगीले इमानदारीपूर्ण सङ्घर्षले पुस्तक तथा स्टेसनरी व्यवसायमा स्थापित हुने अवस्थामा पुगेको बताएका छन्।
पुस्तक पसलमा स्कुल, कलेज, लोक सेवा तयारी, साहित्यिक र धार्मिक क्षेत्रका पुस्तक पाइनुका साथै खेलकुद र प्रयोगशाला सामग्री तथा वाद्य यन्त्र सुपथ मूल्यमा ग्राहकले प्राप्त गर्ने व्यवसायी नेगीले बताएका छन्।
कार्यक्रममा नेपाल पुस्तक तथा स्टेसनरी व्यवसायी महासङ्घका केन्द्रीय अध्यक्ष चौधरीले कोभिडका कारण पुस्तक व्यवसायी पनि प्रभावित भएको उल्लेख गर्दै पुस्तक व्यवसायीहरूलाई प्रिन्ट मूल्यमा पुस्तक बिक्री गर्ने नीति पालन गर्न आग्रह गरेका थिए।
