पुनर्वास ।
कञ्चनपुरकाे पुनर्वासमा अटाे दुर्घटना हुँदा एकजनाकाे ज्यान गएकाे छ । शनिबार बिहान ८ बजे धनगढीबाट पुनर्वासको आई.बी.आर.डी. आउने क्रममा अटाे सिमरीमा दुर्घटना भएकाे हाे ।
दुर्घटनामा परी हेटौंडा घर भएका २८ वर्षिय सरोज रिमालको उपचारका क्रममा माया मेट्रो हस्पिटलमा मृत्यु भएको प्रहरीले जनाएको छ । धनगढी बाट आईबिआरडी आउँदै गरेकाे म.१ ह. ८२४ नम्बरको अटो दुर्घटना भएकाे हाे । अटोमा सवार अन्य दुई जना घाईते भएको प्रहरीले जनाएको हो ।
कुहिरोका कारण सडकमा एक्कासी ढुङ्गा देखेपछि अटोलाई ठोक्किनबाट बचाउने क्रममा दुर्घटना भएको प्रहरीले जनाएको छ ।
अटोमा सवार महोत्तरी बर्दिबास ४ घर भएका २२ वर्षिय सुशील बुढाथोकी र रामेछाप घर भएकी १८ वर्षिय सबिना घिमिरे घाईते भएको र उनीहरु दुई जनाको खुट्टामा सामान्य चोट लागेकोले माया मेट्रो हस्पिटल धनगढीमा उपचार भई रहेको ईलाका प्रहरी कार्यालय त्रिभुवनबस्तीका प्रहरी निरीक्षक नरेश राज मल्लले जानकारी दिनु भयाे ।
अटो मोहन्याल गाउँपालिका-२, कोल्तडी स्थायी घर भई धनगढी -८ क्याम्पस रोड बस्दै आएका ३२ वर्षीय रमेश देवकोटाले चलाएका थिए । अटोमा चालक सहित चार जना सवार थिए ।
