April 25, 24
29.1 C
Kathmandu

ट्रेन्डिङ्ग विषयहरु

साईन नेपालद्वारा डोटीको पुर्वीचौकीमा २५ थान बादर धपाउने यन्त्र वितरण

मा प्रकाशित

हरिलाल जोशी
डोटी,६ भदौ – मानवीय सेवामा अनेकौं प्रयास (साईन नेपाल) नामक संस्थाले डोटीको पुर्वीचौकी गाउँपालिकामा बादर धपाउने यन्त्र वितरण गरेको छ ।

आईतबार पुर्वीचौकी गाउँपालिका-१,साजघाट स्थित एक औपचारिक कार्यक्रमको आयोजना गर्दै साईन नेपाल नामक संस्थाले २५ थान बादर धपाउने यन्त्र निशुल्क वितरण गरेको हो ।

संस्थाको केयर एण्ड रिलिफ परियोजनाको कृषि आय आर्जन कार्यक्रम अन्तर्गत पुर्वीचौकी गाउँपालिकाका १,३,४,५,६ र ७ नम्बर वडाका अध्यक्षहरुलाई २५ थान बादर धपाउने यन्त्र हस्तान्तरण गरेको संस्थाका अध्यक्ष भक्तराज जोशीले जानकारी दिए ।

हस्तान्तरण पश्चात् सो यंत्र उपस्थित जनप्रतिनिधि,स्थानीय र प्रहरीका सामु परिक्षण समेत गरिएको थियो ।

बर्सेनि बादरले खेतबारीमा लगाएको अन्नबाली नष्ट गर्ने निकै ठूलो समस्या रहेको उक्त पालिकामा संस्थाले सो यन्त्र दिएपछी अबका दिनमा बादरको आतंकबाट मुक्ति पाउने भन्दै जनप्रतिनिधि र स्थानीयहरुले आगामी दिनमा पनि सहयोगको अपेक्षा गर्दै संस्थाका अध्यक्ष जोशीलाई धन्यवाद व्यक्त गरेका थिए ।

त्यस्तै सोमबार (भोली) पुर्वीचौकी गाउँपालिका-३ मा एक वर्ष मुनीका बालबालिका भएका महिलाहरुलाई पौष्टिक आहार वितरण कार्यक्रम पनि रहेको संस्थाका अध्यक्ष जोशीले जानकारी दिए ।

- विज्ञापन -
-- विज्ञापन --spot_img
-- विज्ञापन --spot_img
-- विज्ञापन --spot_img

सामाजिक संजालमा

0FansLike
0FollowersFollow
0FollowersFollow
0SubscribersSubscribe
-- विज्ञापन --spot_img

भर्खरै प्रकाशित समाचारहरु

सम्बन्धित समाचारहरु