कञ्चनपुर ,
कञ्चनपुरको बेलौरी नगरपालिका ८ कि एक महिला बाघको आक्रमणमा परेको बताइएको छ ।
बेलौरी नगरपालिका ८ पचुइ कि अन्दाजी ४५ वर्षिय गंगा चन्द घाँस काटिरहेको अबस्थामा बाघको आक्रमणमा परि हराइ रहेकी उनको खोजी कार्यका लागि शुक्लाफाँटा वन्यजन्तु आरक्षबाट बिशेष टोलि आउदै गरेको बताइएको छ ।
बेलौरी-बेलडाँडी हुलाकी सडकको पचुई नाला देखि झन्डै ३०० मिटर उत्तर तर्फ खोलाको बगरमा घाँस काटी रहेकी उनी माथी बाघले आक्रमण गरेको जनाइएको छ ।
बाघको आक्रमणमा परेकी महिलाको अबस्था अज्ञात रहेको ईलाका प्रहरी कार्यालय बेलौरीका प्रहरी निरीक्षक सन्दिप शाहले बताए ।
प्रहरी , वनकर्मी र स्थानीयले उनको अबस्था बारे घटना स्थलमा खोजी गरे पनि भेट्न नसकिएको उनले बताए ।
खोजी कार्यका लागि शुक्लाफाँटा वन्यजन्तु आरक्षको विशेष टोली केहिबेरमा घटना स्थलमा पुग्ने प्रहरी निरीक्षक शाहले बताए ।
उक्त घटनाको जानकारी पाउना साथ संविधानसभा सदस्य एवं सुदूरपश्चिम प्रदेश सभासद दिवानसिंह बिष्ट घटना स्थलमा पुगेका छन् । हिंस्रक बन्दै गएको बाघलाई नियन्त्रणमा लिइ यस क्षेत्रलाई भयमुक्त बनाउन सम्बन्धित निकायको ध्यानाकर्षण गराउन आफुले पहल गर्ने घटना स्थल पुगेका प्रदेश सभासद बिष्टले बताए ।
