महेन्द्रनगर
सुदूरपश्चिम प्रदेश सरकारका सांसद बहादुर सिंह थापाले प्रदेश सरकारले विगतका कमीकमजोरीहरुलाई सच्याएर अगाडी बढ्नुपर्ने बताएका छन् ।
मंगलबार प्रदेशसभालाई सम्बोधन गर्दै उनले उक्त कुरा बताएका हुन् । ‘विगतका कतिपय कमजोरीहरुलाई हामी सबैले सच्याएर अगाडी बढ्नपर्छ, प्रदेशको विकासका लागि सबै एकजुट हुन जरुरी छ । ’ थापाले भने, ‘हाम्रा लागि पहिलो कार्यकाल अनुभव लिने कार्यकालका रुपमा रहेको थियो, अब प्रदेश सभाले गर्नुपर्ने कामहरुमा हामीले पहिलेका कमि कमजोरीहरुलाई दोहोरिन दिन हुँदैन ।’ अब अर्थतन्त्र कमजोर भएपनि हामीले आफुले गर्नुपर्ने विकास निर्माणका कामलाई निरन्तर रुपमा अगाडी बढाउनपर्छ ।
उनले जनतामा आईरहेको निराशालाई तोड्ने गरि पुराना राजनितिक दलका निर्वाचित जनप्रतिनिधिले काम गर्नुपने कुरामा जोड दिए । उनले भने, ‘हामीले देशलाई सहि गतिमा अगाडी बढाउन सक्नपर्छ, जनतामा आईरहेको निराशालाई तोड्न जरुरी छ ।’
