पुनर्वास ,
दोदाको बाढी मानव बस्तीमा पसेपछि कञ्चनपुरको पुनर्वास नगरपालिका ५ स्थित सिमरी र रातो तालका ३० घर डुबानमा परेका छन् ।
मंगलबार गाउँमा पसेको बाढीको बहाव नघटेपछी बुधबार पनि पुनर्वासका सिमरी र रातोताल गाउँको डुबान कायमै रहेको छ ।
सिमरी खोलामा अत्यधिक बाढीका कारण बेलडाँडी -धनगढी हुलाकी राजमार्गमा आवागमन ठप्प रहेको छ । दोदा नदीको बाढिबाट डुबान बनेको सिमरी गाउँमा नेपाली काँग्रेस कञ्चनपुरका नेता संविधानसभा सदस्य एवं प्रदेशसभा सदस्य दिवानसिंह बिष्ट अवलोकनमा पुगेका थिए । नेता बिष्टले सशस्त्र प्रहरी बलको बेलौरी स्थित बिओपीमा पुगेर बाढी प्रभावित क्षेत्रमा उद्धारको कार्यलाई प्रभावकारी बनाउने बिषयमा छलफल समेत गरेका थिए ।
- विज्ञापन -
