March 4, 24
10.1 C
Kathmandu

ट्रेन्डिङ्ग विषयहरु

नागरिक लगानीमा प्यारातालमा जैविकता झल्काउन निर्माणको काम सुरु

मा प्रकाशित

पुनर्वास ,
कञ्चनपुरको पुनर्वास नगरपालिका ९ स्थित प्यारातालमा पर्यटन प्रवर्द्धनका लागि नागरिक लगानीमा तालको जैविकता झल्काउन प्रतिमा निर्माणको शनिवार शिलान्यास गरिएको छ ।

८५ वर्षिय जेष्ठ नागरिक धनबहादुर रोकायाले शनिवार ताल परिसरमा निर्माण गरिन लागेको माछाको प्रतिमाको शिलान्यास गर्नु भएको हो ।

तालको जैविक विविधता झल्काउने संरचना निर्माण गरि पयर्टन बिकास गर्नका लागि नागरिक स्तरबाट अभियान संचालन गरिएको थियो ।

नागरिकहरुबाट स्वस्फुर्त रुपमा संकलन गरिएको आर्थिक सहयोगबाट ताल परिसरमा जैविक विविधता झलाउने जैविक उद्यान निर्माण गर्ने उद्देश्य रहेको प्याराताल पर्यटन प्रवर्द्धन तथा संरक्षण समितिका अध्यक्ष दीपेन्द्र कुमार बस्नेतले बताए ।

तालको जैविक महत्व लाई प्रदर्शन गर्दै पर्यटन बिकासका लागि ताल क्षेत्रको वनस्पति संरक्षण र जीवहरुको प्रतिमा स्थापना गरि संरक्षण अभियान संगसंगै पर्यटन बिकास गर्न नागरिक अभियान सुरु गरिएको अध्यक्ष बस्नेतले बताए ।

एक महिना अघि देखि सुरु गरिएको अभियान बाट १ लाख ३२ हजार १८२ रुपैया समितिको खातामा संकलन भएको सचिव प्रेम प्रसाद जैसीले बताए ।

ताल परिसरमा निर्माण सुरु गरिएको माछाको प्रतिमा निर्माणका लागि २ लाख ६ हजार बराबरको लागत स्टिमेट रहेको सचिव जैसीले बताए ।

तालमा पर्यटन प्रवर्द्धनका लागि नागरिक स्तरबाट सुरु गरिएको यो अभियान पुनर्वासमा पहिलो भएको स्थानीयहरु बताउछन् ।


- विज्ञापन -
-- विज्ञापन --spot_img
-- विज्ञापन --spot_img
-- विज्ञापन --spot_img

सामाजिक संजालमा

0FansLike
0FollowersFollow
0FollowersFollow
0SubscribersSubscribe
-- विज्ञापन --spot_img

भर्खरै प्रकाशित समाचारहरु

सम्बन्धित समाचारहरु