पुनर्वास । बालबालिकामा लगानी : सुनिश्चित भविष्यको थालनी भन्ने नाराका साथ आज देशभर ५९ औँ राष्ट्रिय बाल दिवस मनाइएको छ । प्यावसन पुनर्वासको आयोजनामा विभिन्न कार्यक्रमको आयोजना गरी आज दिवस मनाइएको हो ।
नगरका दुई वडा १० र ११ मा रहेका पशुपति शिक्षा मन्दिर ,कञ्चन पब्लिक स्कुल,पपुलर बोर्डिङ स्कुल, आदर्श बोर्डिङ स्कुल ,दुर्गा बोर्डिङ स्कुल, ज्यासमिन एकेडेमी र फारवेष्ट इङ्लिस बोर्डिङ स्कुलले सहभागिता जनाएका थिए । सो कार्यक्रममा नृत्य, वक्तृत्वकला,घैँटो फुटाउने कार्यक्रमहरू गरिएको थियो ।
विभिन्न कार्यक्रममा सहभागिता जनाउने विद्यार्थीलाई पुरस्कारको समेत व्यवस्था गरिएको थियो । दुर्गा बोर्डिङ स्कुलका सञ्चालक कर्ण बहादुर खड्काको सभापतित्वमा भएको कार्यक्रममा प्यावसन पुनर्वासका सदस्य प्रकाश तामाङ विभिन्न विद्यालयका शिक्षक शिक्षिकाको सहभागिता समेत रहेको थियो भने कार्यक्रम सञ्चालन विद्यार्थी राधिका साउद र पवन उपाध्यायले सञ्चालन गरेका थिए ।
