कञ्चनपुर ,
छोटी भन्सार कार्यलय परिसरका रुख कटानीको सन्दर्भमा वन कार्यालयले नियन्त्रणमा लिएका ४ जनालाई धरौटीमा छोडिएको छ ।
भन्सार कार्यालय परिसरमा रुख कटानीको आरोपमा वन कार्यालयले नियन्त्रणमा लिएका चारै जनालाई जनही ४५ हजार धरौटीमा छोडिएको डिभिजन वन कार्यालय कञ्चनपुरका प्रमुख भीम प्रशाद कँडेलले बताए । प्रकृया नपुर्याइ रुख काटिएकाले कार्बाही गरिएको जिल्ला वन कार्यालयका प्रमुख कँडेलले बताए ।
वहाँहरुले प्रक्रियागत त्रुटि गरेकाले पक्राउ गरेको र धरौटीमा छोडिएको हो तर मुद्दा यथावत रहेको डिएफओ कँडेलले बताए ।
वर्षौँदेखि बन्द रहेको बेलौरी छोटी भन्सार कार्यालय खुलाउने प्रयास भईरहदा रुख काटिएको प्रकरणले स्थानीय समेत पक्ष विपक्षमा देखिएका छन । कसैले बेलौरीमा भन्सार कार्यालय स्थापना हुन नदिने षड्यन्त्र भनिरहेका छन, भने कसैले कानुन सबैले मान्नुपर्छ भन्ने मिश्रित धारणा दिईरहेका छन । यतिबेला उपप्रमुख जोगराज चौधरीले वडाध्यक्ष पक्राउ पर्दा आफुले रुख नकाट्न भनेपनि नमानेको बताएका थिए ।
