पुनर्वास
कञ्चनपुरको पुनर्वास नगरपालिका वार्ड नंम्वर – ८ मा रहेको पृथ्बी पशुपालन महिला सहकारी संस्था लिमिटेड पुथ्बीवस्तीको ११ औं वार्षिक साधारण सभा सम्पन्न भएको छ । निर्मला विष्टको अध्यक्षतामा ११ सदस्य नयाँ कार्य समिती चयन गर्दै साधारण सभा सम्पन्न भएको हो । नयाँ कार्य समितीमा उपाध्यक्ष पार्वती कुमारी अधिकारी, सचिबमा टिका पौडेल र कोषाध्यक्षमा आरती नेपाली निर्बिरोध चयन हुनुभएको छ । यस्तै, हरिना बिष्ट, बदला राना, मनकुमारी श्रेष्ठ, मनसरा बुढा साउँद, सिता देबि सुनार, अदिती बिक र शुशिला रावत सदस्यमा चयन हुनुभएको छ । साधारण सभा मार्फत, लेखा सुपरिवेक्षण समितीमा प्रतिमा राउत लेखा संयोजक, लिला कुमारी केसी र मिना राना लेखा समिती सदस्यमा चयन हुनु भएको छ ।
साधारण सभामा आर्र्थिक बर्ष २०७९÷८० को बार्षिक प्रतिबेदन, आयव्यय र आर्थिक बर्ष २०८०÷८१ को प्रस्तावित आयव्यय तथा कार्य योजना प्रस्तुत गरिएको थियो । सहकारीले आर्थिक बर्ष २०७९÷८० मा ५ करोड ८८ लाख ८३ हजार ४ सय ६५ रुपैँया आय तर्फ देखाएको छ । भने ५ करोड ४१ लाख १ हजार ८ सय ८० रुपैँया ब्याय तर्फ देखाउँदा सहकारीले ४७ लाख ७८ हजार ५ सय ८५ रुपैयाँ नगद बाँकी रहेको प्रतिवेदन संस्थाकी अध्यक्ष निर्मला विष्टले प्रस्तुत गर्नुभएको थियो । पृथ्बी पशुपालन महिला सहकारी संस्थाले आर्थिक बर्ष २०७९÷८० मा १८ लाख ७५ हजार २ सय ३९ रुपैया शुद्ध नाफा गरेको छ । यस्तै संस्थाले आर्थिक बर्ष २०८०÷८१ को प्रस्तावित आय तर्फ ९ करोड ५९ लाख ५७ हजार २ सय ९६ रुपैया र व्यय तर्फ ९ करोड ६ लाख १२ हजार ४ रुपैया हुनसक्ने अनुमान गरेको छ । त्यस्तै सहकारीले ५३ लाख ४५ हजार २ सय ९२ रुपैयाँ नगद बाँकी रहन सक्ने अनुमान गरेको छ ।
त्यसैगरी सहकारीले आर्थिक बर्ष २०८०÷८१ मा अनिवार्य पशु बिमा, सहकारी अभिमुखीकरण तालीम, वित्तिय साक्षरता तालीम, खेती र पशु संरक्षण तथा पशु स्वास्थ्य तालीम सदस्यहरुको ऋण बिमा गर्ने योजना बनाएको छ । कार्यक्रममा उत्कृष्ट शेयर सदस्यहरुलाई सम्मान संगै असाहाय, गरीब जेहेन्दार विद्यार्थीहरुलाई शैक्षिक सामाग्री बितरण समेत गरीएको थियो । सहकारीमा हाल १ हजार २ सय ५८ जना शेयर सदस्यहरु छन ।
पृथ्बी पशुपालन महिला सहकारी संस्था संचालक समितिका अध्यक्ष निर्मला विष्टको अध्यक्षतामा सम्पन्न भएको कार्यक्रममा पुनर्वास नगरपालिकाका नगर प्रमुख प्रमुख अतिथी रहनुभएको थियो । संस्थाको कोषाध्यक्ष आरती नेपालीको स्वागत मन्तब्यवाट सुरु भएको कार्यक्रमको संचालन संस्थाका ब्यवस्थापक पुष्पा कुमारी रोकायाले गर्नु भएको थियो । कार्यक्रममा शेयर सदस्यहरु, पत्रकार, सुरक्षा निकायका प्रतिनिधि लगायतका व्यक्तिहरुको उपस्थिती रहेको थियो ।
