कञ्चनपुर
सुदूरपश्चिम प्रदेशका पुर्व आर्थिक मामिला मन्त्री तारालामा तामाङले कञ्चनपुरको पुनर्वास ९ र ४ स्थित बिचफाँटा कोटीहोम सडक लगायत अन्य आयोजनाको शिलन्यास गरेका छन् ।
मन्त्री रहेका बेला आफ्नो निर्वाचन क्षेत्रमा परेका आयोजनाहरुको उनले आज (बुधबार) शिलान्यास गरेका हुन । उनले एसएनआरडिपि परियोजना अन्तरगत बन्न नसकेको बिचफाँटा खगाँउ , क गाउँ , च गाउँ हुँदै ईलाका प्रहरी कार्यालय जोड्ने र कोटिहोम देखि नगरपालिका चोक जोड्ने सडक खण्डको जिरो पोइन्टमा शिलन्यास गरेका हुन् ।
यो सहित पुनर्वास नगरपालिका १० पचकडिया स्थित लमैया नालामा पुलको शिलान्यास समेत गरेका छन् ।
बिचफाँटा र कोटिहोममा गरिएको सडक शिलान्यास कार्यक्रममा पुनर्वास नगरपालिकाका मेयर तोयप्रसाद शर्मा , वडा अध्यक्ष नरबहादुर बिक र मनोज जैसी सापकोटा लगायत सहभागी रहेका थिए ।
- विज्ञापन -
