जुद्ध चाैधरी । सातौं संविधान दिवसकाे अवसरमा कञ्चनपुरकाे पुनर्वास नगरपालिकाले रक्तदान कार्यक्रम गरेकाे छ ।
नेपाल रेडक्रस साेसाईटी पुनर्वास उपशाखाकाे समन्वय र पुनर्वास नगरपालिकाकाे आयाेजनामा कार्यक्रम भएकाे हाे । रक्तदान गर्ने दातालाई नगरपालिकाले सम्मान पत्र वितरण गरेकाे छ । जनप्रतिनिधि , पत्रकार , नेपाल प्रहरी ,सशस्त्र प्रहरी तथा सामाजिक अभियन्ता सहित ३९ जनाले रक्तदान गरेका थिए । 
संविधान दिवसकै अवसरमा सहिद गाेबिन्द गाैतमकाे सालिकमा माल्यार्पण गर्नुका साथै गाेबिन्द गाैतमका बुवालाई दाेसल्ला ओढाई सम्मान गरिएकाे थियाे । जिल्ला प्रसाशन कार्यालय कञ्चनपुरका सहायक प्रमुख जिल्ला अधिकारी अशाेक कुमार भण्डारी, नगरप्रमुख ताेय प्रसाद शर्मा, उपप्रमुख भुलिया रानाले सहिद गाेबिन्द गाैतमकाे सालिकमा माल्यार्पण गर्नु भएकाे थियाे । 
- विज्ञापन -
