कञ्चनपुर
जिल्लाको बेलडाँडी गाउँ पालिका ५ स्थित मानव बस्तीको जोखिम न्यूनीकरण गर्न चौधर नदीमा तटबन्ध निर्माणको शिलान्यास गरिएको छ ।
चौधर नदि सुदारिएको प्रविधि तटबन्ध योजना अन्तर्गत बेलडाँडी गाउँपालिका वडा नम्बर ५ का मानव बस्ती हुँदै बग्ने चौधर नदिमा करिब ३५ लाख बजेटको तटबन्ध निर्माणका लागि बेलडाँडी गाउँपालिका प्रमुख हरिसचन्द्र रानाले बिहीवार (आज) शिलान्यास गरेका हुन ।
सामान्य वर्षातका बेला पनि चौधर नदीको बाढी तटिय मानव बस्ती इमलिया , झिलमिला, बैवाह लगायतका बस्ती अति जोखिममा रहेकाले मानव बस्तीमा हुने जोखिम न्यूनीकरण गर्न ठुलो राहत मिल्ने भएकाले तटबन्ध निर्माणमा पहल गरिएको बेलडाँडीका पालिका प्रमुख रानाले बताए ।
चौधर नदीमा तटबन्धको शिलान्यास कार्यक्रममा पालिकाका प्रवक्ता गजबहादुर बिष्ट र वडा नम्बर ५ का वडा अध्यक्ष इन्द्रबहादुर खड्काको समेत सहभागिता रहेको थियो ।
