कञ्चनपुर । सातौँ लालझाडी कप फुटबल प्रतियोगिताको फाइनल खेल आज बुधबार हुने भएको छ । फागुन २० गतेबाट सुरु भएको प्रतियोगिताको फाइनल खेल आज हुन लागेको हो । सातौँ लालझाडी कपको उपाधिका लागि आज दिउँसो ३ बजे भानु युवा क्लब र संयुक्त युवा क्लबबीच भिड्न्त हुने भएको हो ।
सोमबार सम्पन्न दोस्रो सेमिफाइन खेलमा संयुक्त युवा क्लबले सद्धार्थ युवा क्लबलाई ५-३ को अन्तर हराउँदै फाइनको यात्रा तय गरेको हो । यस अघि आइतबार सम्पन्न पहिलो सेमिफाइन खेलमा भानु क्लबले दशरथ युवा क्लबलाई २-० ले पराजित गर्दै फाइन पुगिसकेको थियो । कञ्चनपुरकै सर्वाधिक धनराशिको फुटबल प्रतियोगिताको उपाधिका लागि अब भानु युवा क्लब र संयुक्त युवा क्लबबीच भिड्न्त हुन लागेको हो ।
१६ टीमको सहभागिता रहेको सो प्रतियोगिताको विजेताले दुई लाख ११ हजार एक सय ११ साथमा सानदार ट्रफी र दृतिय हुनेले नगद एक लाख ११ हजार एक सय ११ साथमा सानदार ट्रफी पाउने आयोजक लालझाडी युवा क्लब ११ ले जनाएको छ ।
प्रतियोगितालाई मुख्य प्रायोजकमा पुनर्वास नगरपालिका वडा नम्बर १० ले साथ दिएको छ भने सह प्रयोजकमा श्री चन्द्र सूर्य इँटा उद्योग पुनर्वास १० रहेको छ। यस्तै प्रतियोगिताको संरक्षकमा पुनर्वास नगरपालिका र लालझाडी गाउँपालिका, कञ्चनपुर जिल्ला फुटबल सङ्घ रहेको छ । ड्रिम एजुकेशन कन्सल्टेन्सी सेन्टर धनगढीले म्यान अफ द म्याचको पुरस्कार प्रदान गर्ने भएको छ । यस्तै उत्कृष्ट खेलाडी प्रायोजकमा सुदूरपश्चिम फुटबल एकेडेमी पुर्नवास,उत्कृष्ट फरवार्ड प्रायोजकमा एमबीएल स्टिल एण्ड आल्मुनियम उद्योग धनगढी,उत्कृष्ट मिड फिल्डरको प्रायोजकमा एबीडी निमार्ण सेवा धनगढी रहेको छ ।
यस्तै रिदम फलसिलिङ डेकोरेसन हाउस धनगढीले उत्कृष्ट डिफेन्सको पुरस्कार दिनेछ भने डी एण्ड डी ट्रेड एण्ड कनर्स उत्कृष्ट गोल रक्षकको प्रायोजकमा जोडिएको छ । प्रतियोगिताको सर्वाधिक गोल कर्ता प्रायोजकमा श्री विजय मावि पुनर्वास १०,उदयीमान खेलाडी श्री फारवेष्ट ईन्टरनेशनल स्कुल पुनर्वास १० रहेको छ । बैङ्किङ पार्टनरमा माछापुच्छ्रे बैक पुनर्वास ३ कञ्चनपुर जोडिएको छ भने हस्पिटल पार्टनरमा निसर्ग हस्पिटल एण्ड रिसर्च सेन्टर धनगढी र मिडिया पार्टनरमा नागरिक आवाज अनलाइन जोडिएको छ ।
