पुनर्वास फागुन १२
वर्षौंदेखि डुबानको जोखिममा रहेको पुनर्वास नगरपालिका ९ स्थित बिचफाँटामा सुदूरपश्चिम प्रदेश सरकारका आर्थिक मामिला मन्त्री तारालामा तामाङले अनुगमन गरेका छन् ।
२०६५ को बाढीले पानीको निकास माटोले पुरिदिए पछि डुबानको मार खेप्दै आएको बिचफाँटाको सालघारी क्षेत्रमा मन्त्री तामाङले आज बिहीवार स्थलगत अनुगमन गरेका हुन ।
अनुगमनमा डुबानग्रस्त क्षेत्रमा पुगेका मन्त्री तामाङले स्थानीय संग छलफल समेत गरेका हुन । यस ठाउँमा हुँदै आएको डुबानबाट किसानहरुलाई सघाउ पुगाउन पानीको निकासका लागि आफुले सक्दो सहयोग गर्ने मन्त्री तामाङले बताए ।
अन्नबाली उत्पादनका हिसाबले उर्भर रहेको उक्त क्षेत्रमा भएको डुबानका कारण किसानहरुको आर्थिक स्तर खस्कन पुगेको स्थानीयहरुको दुखेसो रहेको छ ।
- विज्ञापन -
