कञ्चनपुर
कञ्चनपुरको पुनर्वास नगरपालिका १० स्थित दोदा पुल नजिकबाट प्रहरीको गस्ती टोलीले बिहिवार बिहान चोरी पैठारीको युरिया सहितका मालसामान बरामद गरेको छ ।
ईलाका प्रहरी कार्यालय त्रिभुवनबस्तीको गस्ती टोलीले बिहीवार बिहान ढाइ बजेको समयमा से २ त २३७० नम्बरको ट्याक्टरमा धनगढी तर्फ लैजादै गर्दा प्रहरीको टोलीले १०० बोरा अन्दाजी १ लाख २० हजार बराबरको मल बरामद गरेको ईलाका प्रहरी कार्यालयका प्रहरी निरीक्षक नरेश राज मल्लले बताए ।
प्रहरीको गस्ती टोली देख्ना साथ रासायनिक मल तस्करी गर्ने हरु ट्याक्टर छाडेर भागेको प्रहरी निरीक्षक मल्लले बताए । बरामद गरेको युरिया मल कैलाली भन्सार कार्यालय पठाइएको उनले बताए
यसै गरि एक हप्ता अघि पुनर्वासको सीअमा क्षेत्रबाट प्रहरीले चिनी १ बोरा , प्लास्टिक कुर्सी ३० थान , बाटा १० थान प्रहरीले बरामद गरेको थियो ।
- विज्ञापन -
