कंचनपुर
आसन्न निर्वाचनको तयारीका लागि नेपाली काँग्रेस कंचनपुर क्षेत्र नम्बर १ ले बिशेष तयारीका साथ अभियान सुरु गरेको छ ।
नेपाली काँग्रेस क्षेत्र नम्बर १ ले सोमबार (आज) बेलौरी भकुण्डा स्थित कालेश्वर महादेव मन्दिरको सभा हलमा एक कार्यक्रमको आयोजना गरि आसन्न निर्वाचनका बारे छलफल चलाएको हो ।
संविधानसभा सदस्य दिवानसिंह बिष्ट प्रमुख अतिथि रहेको कार्यक्रममा क्षेत्रका ३२ वटा वडा सभापति बीच अन्तरक्रिया गरिएको नेपाली काँग्रेस क्षेत्र नम्बर १ का क्षेत्रीय सचिव विश्राम रानाले बताए ।
मंसिर ४ मा हुने संघिय र प्रदेश निर्वाचनमा पार्टी नेता कार्यकर्ताहरुको भुमिकाका बारे आबश्यक रणनीति सम्बन्धि अन्तरक्रिया गरिएको हो ।
क्षेत्रीय सभापति गोपिप्रसाद उपाध्यायको अध्यक्षतामा संचालित कार्यक्रममा पार्टीले टोलटोलमा अभियान चलाउने निष्कर्ष निकालिएको क्षेत्रीय सचिव रानाले बताए ।
