पुनर्वास
पछिल्ला केही दिन यता शितलहरका कारण चिसो बढ्दै गए पछि कञ्चनपुरको पुनर्वास स्थित ९ नम्बर वडा कार्यालयले बिपन्न र जेष्ठ नागरिकहरुलाई कम्बल बितरण गरेको छ ।
पुनर्वास ९ नम्बर वडा कार्यालयले जेष्ठ नागरिक २६४ जना र बिपन्न परिवारका १६ जना गरि जम्मा २८० जनालाई कम्बल बितरण गरिएको वडा अध्यक्ष नारायण प्रसाद जैसीले बताए ।
शुक्रवार पुनर्वास ९ को राष्ट्रिय माविको प्राङ्गणमा एक कार्यक्रमको आयोजना गरि बिपन्न र जेष्ठ नागरिकलाई नगर प्रमुख जीवनराज थापाले कम्बल बितरण गरेका थिए ।
९ नम्बर वडाको बजेटबाट शितलहरका कारण बढेको अत्यधिक चिसोको समयमा बाँडिएको कम्बलबाट जेष्ठ नागरिक र बिपन्न परिवारलाई राहत पुगेको नगर प्रमुख जीवनराज थापाले बताए ।
- विज्ञापन -
