पुनर्वास ,
कञ्चनपुर निर्वाचन क्षेत्र नम्बर १ का नेपाली काँग्रेसका युवा नेता रामबहादुर खड्का तरुण विभागको संयोजकमा मनोनीत भएका छन् ।
बेलौरीको गकुलपुरका खड्कालाई बिहीबार नेपाली काँग्रेस कञ्चनपुरले तरुण विभाग संयोजक पदमा मनोनित गरेको हो ।
पार्टीको जिल्ला सदस्य समेत रहेका खड्का विगत लामो समयदेखि काँग्रेस निकट भातृ संगठन नेपाल तरुण दलको क्षेत्रीय अध्यक्षको जिम्मेवारी सम्हाल्दै आएका थिए ।
यसै गरि नेपाली काँग्रेस कञ्चनपुरले जिल्लाको दक्षिणी क्षेत्रबाट निवर्तमान बेलडाँडी सभापति हर्कदेव जोशी , क्षेत्रीय प्रतिनिधि बिजयसिंह बिष्ट र महिला नेतृ देवि लोहनीलाई जिल्ला सदस्यमा मनोनित गरेको छ ।
काँग्रेसको विधान ०१७(संशोधन सहितको)धारा ४८ अनुसार नेपाली काँग्रेसको नियमावली ०७६को परिच्छेद १७को धारा ४८(३) बमोजिम तरुण शाखा विभागको सयोजकमा मनोनित गरेको जनाएको छ ।
काँग्रेस कञ्चनपुरका पार्टी सभापति पदम बोगटीले विधान अनुरुप अघि बढ्नुपर्नेमा निर्देशन दिईएको छ । काँग्रेस बेलौरीका युवा नेता राम बहादुर खड्काले पार्टीले दिएको जिम्मेबारी निर्भिकताका साथ पुरा गर्ने प्रतिबद्धता जाहेर गरेका छन् ।
