कञ्चनपुर
कोरोना भाइरसको संक्रमण नियन्त्रणका लागि सरकारले गरेको निर्णय कार्यान्वयनको माग गर्दै पुनर्वासमा शिक्षकहरुले मागपत्र पेश गरेका छन् ।
पछिल्लो समय देशमा नयाँ भेरिएन्टको कोरोना भाइरसको संक्रमण फैलिए लगत्तै बिधालय बन्द गर्न सिसिएमसीले गरेको निर्णय कार्यान्वनको माग गर्दै शिक्षक संघ संगठनहरुले पुनर्वास नगरपालिकामा ज्ञापन बुझाएका छन ।
नेपाल सरकार सिसिएमसीले बढ्दो कोभिडको संक्रमण नियन्त्रणका लागि माघ १५ सम्म संस्थागत र सामुदायिक बिधालय बन्द गर्ने निर्णय गरेको थियो ।
सरकारले कोरोनाको संक्रमण रोक्न बिधालय बन्द गर्ने भने पनि कंचनपुरको पुनर्वासमा भने सरकारी उक्त निर्णय अवज्ञा गर्दै बिधालय नियमित संचालन गर्ने निर्णय गरिएको थियो ।
पुस २७ गते मंगलबार पुनर्वास पालिका स्तरीय संस्थागत र सामुदायिक बिधालयका प्र अ बैठकले सिसिएमसीको निर्णय विरुद्ध बिधालय संचालन गर्ने निर्णय गरे पछि शिक्षक संघ संगठनहरुले संक्रमण नियन्त्रण गर्न बिधालय बन्द गरिनु पर्ने माग राख्दै पुनर्वास नगरपालिकालाई ज्ञापन बुझाएका हुन ।
पुनर्वास स्तरीय शिक्षकहरुका पेशागत ९ वटा संगठनहरुले बुधबार सिसिएमसीको निर्णय कार्यान्वयनको माग गर्दै ज्ञापनपत्र बुझाएका हुन ।
