कञ्चनपुर
स्थानीय तहको निर्वाचनलाई लक्षित गर्दै गरिएको गठबन्धन प्रति असन्तुष्टि जनाउदै सत्तारुढ दल नेपाली काँग्रेसले कञ्चनपुरको पुनर्वासमा बिरोध गर्दै भेलाको आयोजना गरेको छ ।
नेपाली काँग्रेस पुनर्वास नगर कार्य समितिका सचिव प्रविन रावलले सुचना जारी गर्दै गठबन्धनको बिरोधमा भेलामा उपस्थितिका लागि आव्हान गरिएको छ । पार्टीको तल्लो निकाय संग परामर्श छलफल नगरिकनै माथिल्ला निकायले गठबन्धनको निर्णय गरेको भन्दै आपत्ति जनाइएको छ ।
केन्द्रले गरेको गठबन्धनका कारण पार्टीको संगठननै ध्वस्त हुने स्थिति देखिए पछि बिरोधमा उत्रनु परेको नेपाली काँग्रेस पुनर्वासका कार्यकर्ताहरु बताउछन् ।
पार्टीको संगठन र जनाधिकार सुदृढ र बलियो हुँदाहुँदै पनि गठबन्धनको नाममा पार्टीलाई सिध्याउने तरिकाले गरिएको गठबन्धन मान्य नहुने नेपाली काँग्रेस नगर सचिव प्रविण रावल परिले बताए ।
- विज्ञापन -
