पुनर्वास, २०४९ देखि कम्युनिस्ट पार्टीले जित्दै आएको पुनर्वास नगरपालिकाको ४ नम्बर वडामा भने यसपालि राप्रपाको हलो चिन्ह बोकेर चुनावी प्रतिस्पर्धामा उत्रिएका मनोज जैसी (सापकोटा) बिजयी भएका छन ।
माओवादी – समाजवादीकाे गठबन्धन , एमाले र काँग्रेसका उम्मेदवार हरुलाई हराउँदै राप्रपाका वडाध्यक्षका उमेदवार मनाेज जैशी (सापकाेटा) बिजयी भएका हुन । राप्रपाका उमेदवार मनाेज सापकाेटाले निकटतम प्रतिस्पर्धी एमालेका खुशीराम पाैडेललाई ११६ मतले हराउँदै वडाध्यक्षमा बिजयी भएका हुन । मनाेज सापकाेटाले ४७५ मत प्राप्त गरेका छन भने उनका प्रतिस्पर्धी खुशीराम पाैडेलले ३५९ प्राप्त गरेका छन । त्यसैगरी नेपाली काँग्रेसकि उमेदवार देवी लाेहनीले १६६ मतपाएका छन भने गठबन्धन बाट माओवादी केन्द्रका प्रेम बस्नेतले २९६ मत पाएका छन । ४ नम्बर वडामा जम्मा मतदाता सँख्या २४६७ रहेकाेमा १५७६ मत खसेकाे थियाे ।
