बेलौरी ।
सोमबार बेलुका देखि सुरु भएको कञ्चनपुर १ को मतगणनाको पछिल्लो प्राप्त मत परिणाम अनुसार प्रतिनिधिसभा सदस्य पदमा नेकपा एमालेका तारालामा तामाङको अग्रता देखिएको छ ।
प्रदेश सभा १ मा समेत एमालेका बिरबहादुर थापाले अग्रता लिइ रहेका छन् । प्रदेश २ मा नेपाली काँग्रेसका दिवानसिंह बिष्टले अग्रता बढाइ रहेका छन् ।
निर्वाचन अधिकृतको कार्यालयले सार्वजनिक गरेको पछिल्लो मतपरिणाम अनुसार प्रतिनिधि सभा सदस्यमा नेकपा एमालेका तारालामा तामाङ ३७०३ मत ल्याएर अग्र स्थानमा रहेका छन् । उनका निकटतम प्रतिद्वन्दी लोकतान्त्रिक बाम गठबन्धनकी उम्मेदवार बिना मगर १७४४ मतका साथ पछ्याइ रहेकी छिन् ।
त्यसैगरी प्रदेश सभा सदस्यमा प्रदेश २ मा लोकतान्त्रिक बाम गठबन्धनका उम्मेदवार दिवानसिंह बिष्ट १८२० मतका साथ अग्र स्थानमा रहेका छन् । उनका निकटतम प्रतिद्वन्दी एमालेका पल्लवराज भट्ट १५४५ मतका साथ पछयाइरहेका छन् । प्रदेश सभा १ मा एमालेका वीर बहादुर थापा २७३७ मतका साथ अग्र स्थानमा छन् । उनका निकटतम प्रतिद्वन्दी गठबन्धनका उम्मेदवार बन्धु राना १६७९ मतका साथ पछयाइरहेका छन् ।
