कञ्चनपुर
पुनर्वास नगरपालिका वडा नम्बर ९ वडा कार्यालयको नव निर्मित भवन उद्घाटन गरिएको छ ।
नव निर्मित वडा कार्यालयको भवन पुनर्वास नगरपालिकाका मेयर जीवनराज थापाले एक कार्यक्रमका बीच आज उद्घाटन गरेका हुन ।
वडा कार्यालय भवन उद्घाटन संगै नगर प्रमुख थापाले सुकुम्बासी हरुलाई अस्थायी निस्सा बितरण गरेका थिए ।
मुलुकमा संघियता आए पश्चात् जनतालाई वडामै पायक स्थानमा सहज सेवा दिन प्रत्येक वडामा भवन निर्माण गर्ने कार्यक्रम अनुसार पुनर्वास ९ मा पनि वडा कार्यालयको भवन निर्माण गरिएको हो ।
वडावासीलाई सहज र प्रभावकारी सेवा दिने उदेश्यले वडा स्तरमै भवन निर्माण गरि सेवाको गुणस्तर बढाउन आज उद्घाटन गरिएको भवनले महत्वपूर्ण भुमिका निर्वाह गर्ने पुनर्वास नगरपालिकाका मेयर जीवनराज थापाले बताए ।
भवन निर्माण भए संगै पुनर्वासको सीमावर्ती यस वडामा जनतालाई छिटोछरितो र प्रभावकारी सेवाप्रदान गर्न सहज भएको पुनर्वास वडा नम्बर ९ का वडा अध्यक्ष नारायण प्रसाद जैसीले बताए ।
वडाकार्यालय उद्घाटन समारोह वडा अध्यक्ष नारायण प्रसाद जैसीको सभापतिवमा संचालन गरिएको थियो ।
