नागरिक आवाज
कंचनपुर , कार्तिक ५
पुनर्वास नगरपालिका वडा नम्बर ९ मा सम्पन्न भएको आँखा शिविरमा ५२५ जनाले निशुल्क सेवा लिएका छन् ।
दुई दिन चलेको आँखा शिविर वडा कार्यालय र धनगढी नेत्रालयको संयुक्त आयोजनामा सञ्चालन गरिएको थियो ।
पुनर्वासको सिमान्त वडा नम्बर ९ मा सम्पन्न गरिएको आँखा शिविरमा १७५ जना आँखाका बिरामीहरुलाई चस्मा बितरण गरिएको र १२६ जना आँखा बिरामीहरुलाई अप्रेसनका लागि रेफर गरिएको वडा नम्बर ९ का वडा अध्यक्ष नारायण प्रसाद जैसीले बताए ।
अप्रेसनका लागि रेफर गरिएका बिरामीहरुको निशुल्क अप्रेसन गरिने वडा अध्यक्ष जैसीले बताए ।
- विज्ञापन -
